華將巫顯東剛戰（20日）谷草勝出「大運舞台」，在港贏夠70Win畢業升大師傅後，黃俊成為現時唯一出賽見習騎師，必更受重用。

事實上，近期不少新勝馬改配黃俊繼續交出表現。今午（24日）沙田日賽，第三場「銀城福星」贏完由黃俊接手，快放馬有力再次藉減磅之助帶到。

第三場五班草地1200米，丁冠豪馬房「銀城福星」近兩仗跑此程非勝即位。其中，上仗用巫顯東以極快步速領放，五班馬頭兩段造46秒18，比當日四班及二班賽快接近一秒之多，仍能帶到建功，難度頗高。

今次巫顯東停賽，黃俊有幸接手「銀城福星」，睇番黃俊近四次接手其他騎師的新勝馬，結果「陽光大地」、「為善聚樂」、「一舖縱橫」及「萬利高」名次非冠即亞。

「銀城福星」如今再跑五班1200米，負117磅仍輕鬆，加上同場快馬唔多，此駒有望再次操控步速，從而克敵制勝。

-----------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
星期一至五晚上10點半
《動腦Q》Let's Q the money！
http://bit.ly/2QW8LcI