布志綸（Alan）今日擔任黃埔一個音樂活動表演嘉賓，拎起支結他自彈自唱一個鐘，騷後佢似乎仍未夠喉，有一段時間無唱商場騷，佢話：「得一支結他喺手，如果以前嘅話會好驚咁樣做，但經過之前出去走busking，就好enjoy嗰種時間，一唱就唱咗半個鐘。」Alan表示手上準備了的歌足夠唱兩個鐘，仲有一堆歌喺手末唱。

單飛後，Alan近兩年重拾結他，今次更揀選一些抒情歌獻唱，當中兩首係陳百強歌曲《等》和《當我想起你》，問到平日是否經常唱抒情歌畀太太同囝囝Adam聽？佢話：「有教囝囝一齊唱歌，太太就聽到冇feel啦，因為我成日喺屋企練歌。」近排喺屋企做掌上壓健身時，兩歲Adam仲會一齊做，仲問幾時再帶佢上台唱歌，至於將來會否畀Adam入行，佢話：「鍾意音樂係非常好，但係唔係真係要做呢行，就要等佢選擇，始終呢行都好難做。」

精選娛聞，喺晒《娛果》
http://fb.com/appledailyent