【場地單車】男子麥迪遜拼盡落敗 梁峻榮:廣東話打氣添動力
世界盃場地單車香港單車館梁峻榮敬樂
香港男子隊世界盃場地單車賽香港站最後一日派員參加麥迪遜賽和捕捉賽,梁峻榮/張敬樂於男子麥迪遜賽排第11,亞錦賽冠軍繆正賢則於捕捉賽排名第12。
男子麥迪遜賽鬥50公里共200圈,賽事每十圈為衝刺圈,前四衝線隊伍得分,港隊派亞運金牌得主梁峻榮和張敬樂合作出征,兩人首衝刺圈排第四得一分,此後他們留守大組中後位置等待良機,戰至第八衝刺圈梁峻榮加速突圍,力壓新西蘭首名衝線奪五分,其後第12衝刺圈張敬樂再得一分,比賽末段葡萄牙車手炒車落馬,賽事一度暫停,重開後港隊無以為繼,最後得7分,18隊中排11。能夠在主場出賽,梁峻榮賽後笑言聽到母語的打氣聲為自己增添動力:「喺香港比賽好開心,感受最深係最後頂唔順時,聽到觀眾用廣東話嗌加油,即刻覺得仲有力繼續衝,今次比賽戰術都係以攞分為目標。」提到麥迪遜賽事期間有選手炒車,梁峻榮直言變得更謹慎:「覺得𠵱家要穩住個成績,唔可以有咩意外,因為後面仲有三站比賽去爭取(奧運)資格,以安全第一去衝成績。」
另一邊廂繆正賢挾亞錦賽金牌出戰壓軸的捕捉賽,他以第12名謝幕,隊友劉允禧得第19。
香港站世界盃周日戰果
項目/冠軍(國家)
男子爭先賽/拉維臣(荷蘭)
男子麥迪遜賽/古祿、連赫特(德國)
男子追逐賽/伊夫亭(新西蘭)
女子凱林賽/李慧貞(南韓)
女子全能賽/梶原悠未(日本)
--------------------
【匿名港警爆大鑊】
韓國KBS時事節目《時事直擊:香港 被自殺》
一按即睇 --------------------
【撐學生】召集有心人 撐學生全年睇《蘋果》
立即按此 --------------------
《體蘋果》陪你睇波講波
https://www.fb.com/appledailysports