由香港國際電影節協會舉辦嘅電影節發燒友，於6、7月將會舉行放映展，回顧兩位已故大師、日本動畫大師高畑勳與瑞典電影大師英瑪褒曼（Ingmar Bergman）嘅多部作品。

日本動畫巨匠高畑勳今年四月離世，其作品陪伴動畫迷成長，當中以《再見螢火蟲》最膾炙人口，戲中二戰時期嘅兩兄妹慘遭遺棄，最後因營養不良而死，情節感動廣大影迷。今次映展就特別選映高畑勳五部佳作放映，除咗《再見螢火蟲》，仲有《百變狸貓》、《歲月的童話》、《隔壁的山田君》同《輝耀姬物語》以茲懷念。

英瑪褒曼被譽為近代電影最偉大且最有影響力嘅導演之一，今年係其誕辰百年紀念，電影節發燒友特別與官方合作籌辦回顧展，除了有德國先鋒女導演瑪嘉烈特馮佐妲（Margarethe von Trotta）為紀念大師所拍嘅全新紀錄片《尋找英瑪褒曼》，仲會放映《處女之泉》（The Virgin Spring）、《野草莓》（Wild Strawberries）、《面對面》（Face to Face）及五小時足本嘅《婚姻暗流》（Scenes from a Marriage）等多部作品。

精選娛聞，喺晒《娛果》
http://fb.com/appledailyent