明日（2日）沙田日馬第一場四班1200米草地，「威風凜凜」上場初出已經賣到唔夠兩倍，君臨天下式嘅賠率，跑落嚟都有幾好嘅前速，但阿棟就認為嗰場嘅狀態只得七、八成之間。

監生吞但結果就係輸最後幾步，位置不保就唔好彩啦！汲取過教訓後操足再嚟，1,200磅大馬熱過身後肯定會好得多，長相型格靚嘅四歲馬，跑四班賽一定超級，對手實在係平平無奇，預期可補中一放到底。

第九場三班1200米草地，「連利福將」上季兩捷，以為今季扶搖直上，點知初出全程跟跑，輸咗後葉楚航無端端幫隻馬加眼罩，點知跑得仲差，大敗之後即刻除咗佢，表現又即時見好，即係多跑馬匹狀態已經提升啦！

當然，佢唯一缺點都係跑嚟未算集中，但響三班孭輕磅就點都着數，繼續用田泰安熟手發揮，雖然要面對惡馬「輝煌芯」，一樣有討價還價之力！

第十場二班1800米草地，「四通八達」季初跑1800米打開今季勝門，隨後兩場轉跑一哩都追得勁，可惜嘅係一場早咗發力、而另一場就檔劣留得太後，兩場都跑第四，表現已經及格。

呢匹89分馬仲有上升空間，轉番跑勝途千八米更有信心，A+級狀態馬用上同老蔡合拍嘅薛恩主轡，力足再添勝仗！

----------------------
【獨家】唔睇唔知時運高！？即睇玄學女神唐碧霞講鼠年十二生肖運程
----------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
-------------------

一按即玩