兩台對撼丨無綫疑怕輸ViuTV《口罩小姐》 陳山聰新劇被迫讓路：會尊重公司決定

蘋果日報 2021/03/14 11:47

大步走愛美麗狂想曲最後一屆口罩小姐
    新增內容
    無綫近年的綜藝節目被評「一蟹不如一蟹」，獨沽一味主打煮食節目，被主打打實況娛樂的ViuTV極速冒起，《全民造星》系列更將TVB打到落花流水，早前更宣佈在4月舉行首屆自家音樂頒獎禮「CHILL CLUB推介榜年度推介20/21」。
    最近ViuTV又搞新意思，將於3月22日起，周一至五晚上9時半，播出由ERROR四子梁業（肥仔）、何啟華（Dee哥）、郭嘉駿（193）和吳保錡主持的真人騷《最後一屆口罩小姐選舉》。曾志偉入主TVB後，首要任務就是要收復失地，無綫疑擔心會輸畀《口罩小姐》，忽然將黃金時段劇集變陣，把已經開播，由陳山聰、姚子羚擔正演出的《大步走》調到8時半，改由較有份量的陳豪及李佳芯主演《愛美麗狂想曲》頂上，《愛》劇則由4月12日提早到3月22日9點半時段播出。而無綫昨晚亦已有《愛美麗》宣傳片出街，寫明播出日期是3月22日。
    晚上，身為《大步走》男、女主角的陳山聰和姚子羚出席活動時，對於劇集被調時間，二人最初表示沒有聽過，但之後他們卻露口風，指無論公司有任何決定，都會配合和尊重。陳山聰說：「唔緊要啦，我哋無論改咩時間，套劇嘅宗旨都係希望畀人知道要逆難而上，跑道上又好人生上又好，遇到咩難題都好，只要你堅持爬起身，一定會跑到終點。」姚子羚則說：「其實而家啲劇好多時要配合內地一齊播，所以調時間係人之常情，況且我哋套劇未喺主台播，好多人已經喺網上睇咗，不過如果大家想支持我哋套劇，亦都可以繼續喺線上看。其實無論咩時段播出，我哋都會努力去宣傳套劇，希望帶更多正能量畀大家。」不過，晚上時份，無綫又再「彈出彈入」，《愛》劇宣傳片已刪掉播出時間，而《大步走》監製接受傳媒訪問時否認更改播出時間，及後無綫又稱《愛美麗》將接力《失憶24小時》在8點半時段播出，無綫內部似乎非常混亂。

    Dee哥：純粹驚咗班女

    何啟華今日接受《蘋果》訪問，問到有沒有受寵若驚？他說：「我諗並唔係話視我哋咩對手嘅，純粹驚咗班女，佢哋拍開嘢，有女通常觀眾都好鍾意睇，但我又唔係好擔心，因為佢哋都派出最擅長嘅自家劇出嚟，所以我都同一眾口罩小姐講句：『打和啦Super！』」他透露節目最大的殺手鐗是夠真：「真到完全冇造馬，foul走晒監製啲心水。」據悉首集已經由40人中foul走一半，5集後留低最後8強，並將於4月11日進行現場直播的總決賽，Dee哥續說：「ERROR係佢哋隊長，呢段時間大家都慣咗戴口罩，睇女仔眼同身材，最有身材嗰組去咗肥仔度，我嗰組身材唔係特別出眾，但都有啲嘅。」
    其實《愛美麗狂想曲》早於2019年10月已經拍畢，有傳因為女主角李佳芯曾捲入政治風波而遭TVB雪藏，加上同劇的朱智賢偷食人夫，故劇集一直未安排於翡翠台推出。劇中李佳芯為一名失婚婦，重投職場擔任陳豪的秘書，Ali今次亦搏盡演出，其中一場戲指她飲醉後出現在陳豪家中，裸背示人，又以烈酒淋身，十分誘人。
    empty
    無綫疑怕咗《最後一屆口罩小姐選舉》，忽然將黃金時段劇集作出調動。（FB圖片）
    empty
    「口罩小姐」全程戴口罩，保持神秘感。（FB圖片）
    empty
    賽制緊張，第一集已由40人foul剩20人。（FB圖片）
    empty
    當中不乏身材逼爆女仔。（FB圖片）
    empty
    Dee哥認為各有各做，希望「打和啦Super」！
    empty
    無綫昨晚已有《愛美麗狂想曲》宣傳片，並寫明是3月22日晚上9時半播出。
    empty
    李佳芯曾捲入政治風波，一度遭TVB雪藏，《愛美麗狂想曲》曾被抽起。（劇照）
    empty
    劇中李佳芯有性感演出，露出白滑玉背。（劇照）
    empty
    （劇照）
    empty
    酒後七情上面（劇照）
    empty
    陳瀅與蕭正楠有床上戲。（劇照）
    empty
    《大步走》已經播出5集，忽然被調時間，難免惹起聯想。
    empty
    陳山聰指公司無論作任何決定，也會配合。
    -----------------------------
    《蘋果》英文版免費試睇：了解更多
    英文版已登錄《蘋果》App，立即下載/ 更新：iOS / Android
    -----------------------------
    支持蘋果深度報道，深入社區，踢爆權貴，即Like蘋果專題及調查組FB專頁！