周四澳洲羽毛球公開賽，林丹、諶龍、田厚威同石宇奇四位中國球手齊齊奏捷，但香港代表伍家朗就輸波出局。林丹喺男單次圈用43分鐘，以直落兩盤21:14、21:19擊敗印尼球手基斯堤，至於諶龍就喺另一場用44分鐘，以直落兩盤21:10、21:13輕取印尼小將金廷；兩人晉級後，更會喺8強合演「中國內戰」。

世界排名第8嘅香港一哥伍家朗喺同日嘅男單次圈以直落兩盤9:21、13:21不敵丹麥嘅韋汀侯斯；香港其餘代表包括混雙的李晉熙／周凱華以0:2不敵泰國組合、鄧俊文／謝影雪以0:2不敵南韓組合，謝影雪配潘樂恩亦以0:2不敵日本組合，港隊全數次圈出局。

世界排名第一嘅中華台北女將戴資穎，喺女單次圈以直落兩盤擊敗泰國選手拉特查諾，晉級8強後會對印度嘅辛杜。