創刊26年｜讀者無言感激撐《蘋果》 「為香港市民報道真相」
蘋果日報 2021/06/20 15:51
《蘋果日報》創刊26年報檔
《蘋果日報》在剛過去周四（17日）再度遭警方國安處封館大搜查，拘捕壹傳媒和《蘋果日報》2名管理層和3名新聞工作者，其中壹傳媒行政總裁張劍虹、《蘋果》總編輯羅偉光被落案起訴提堂，兩人更被拒絕保釋，還柙候訊。今日是《蘋果》創刊26周年，創辦人黎智英頭頂蘋果遭箭射經典場面記憶猶新，今日被取締之說卻似近在咫尺，今日來買《蘋果》的讀者坦言「我唔希望佢（蘋果）摺埋...做讀者嘅覺得好可惜，有感情」。明年今日還有《蘋果》嗎？
挽着兩手餸菜來旺角砵蘭街報檔買《蘋果》的李先生，是《蘋果》長期讀者，「我成日係買呢份，其他冇買，佢出咁耐就買咁耐，我做梗嘢時已經睇，依家都已經退休，都成20幾年。」今日是《蘋果》創刊26年，「我唔希望佢摺埋，見到依家（政府）對《蘋果》，講得唔好聽叫打壓。」他坦言自己沒有政治立場，「其實我乜都睇吓，講乜鬼政治（立場），都幾十歲人了，咩未見過。」
對於政府是否針對《蘋果》，李先生說「佢有佢嘅政策，市民有我哋睇嘅政策，市民鍾意睇，好以打針（疫苗）咁，有啲市民唔鍾意打，政府又要市民打，思想唔同。」對於官員指控《蘋果》涉串謀勾結外國或境外勢力危害國家安全，李先生坦言他看《蘋果》時「唔覺得有乜嘢，純粹睇，冇考慮其他。」被問到若《蘋果》被取締，他直言「做讀者覺得好可惜，睇開咗，有感情，唔理乜嘢政治唔政治，我鍾意睇開嗰份報紙就睇嗰份報紙。」
讀者梁小姐對於《蘋果》近日多事之秋，坦言「緊係好心痛啦，同你哋一齊成長，好似依家出糧嗰關過到就好 ，一般香港人都知道擺明搞你哋《蘋果》，我哋小市民真係幫唔到幾多，只可以訂閱，買實體報。」她說目前《蘋果》最緊要資金周轉，「如果你哋搞掂好呢part，香港人一定支持你哋，爆晒幫你哋，你話Patreon嗰啲一定捐，如果有呢啲。」對於當局指控《蘋果》涉串謀勾結外國勢力，梁小姐坦言現時「呢啲係文字獄，好似寫吓嘢，講吓嘢都唔得咁，李家超仲講到買呢啲都犯法，好得人驚講到 ，以前香港唔係咁，出版講嘢冇咗自由，已經唔算係世界之都 .... 金融嗰啲 ，無端端凍結人哋戶口，呢啲又唔可以稱得為金融正常運作。」
今日是《蘋果》創刊26年，梁小姐指《蘋果》員工好多香港人睇到，你哋好努力，好似嗰晚直播你哋印報紙，好多人都睇直播，希望你哋員工加油，可以撐到幾時就幾時！」
由創刊至今一直支持《蘋果》的讀者文小姐今早已購買10份，到中午會再加購10份，「主要係想支持蘋果」，她希望《蘋果》記者能夠繼續謹守崗位，「香港市民都會支持你哋，亦都衷心感謝你哋唔怕強權，繼續報道，為香港市民報道真相。」她認為「新聞自由好重要，唔可以被扼殺」，更直言「買蘋果唔係一個罪，身為市民有自由，唔係佢（政權）恐嚇兩句我哋就隨時收手」。面對新聞自由的前景，文小姐坦言悲觀，「多謝咁多個傳媒都繼續撐住，好touching好感動」。
睇《蘋果》十多年的忠實讀者陳先生平日多數網上訂閱，最近則買實體報以作留念，他認為「呢個大時代入面，做得幾多就盡做」，又指雖然擔心蘋果消失，但「一雞死一雞鳴，就算冇咗《蘋果》，都會有其他《蘋果》」，他認為港人心中的「蘋果」很難被改變，他最想對蘋果員工說聲「多謝你哋，無言感激」，「蘋果員工真係擺個心出嚟」。
讀者梁小姐一直有購買實體報兼網上訂閱，她直言「想香港繼續有蘋果，想呢份報紙繼續可以喺度」，適逢今日報慶，梁小姐指「欣賞佢哋（蘋果員工）繼續寫呢啲報道，都希望佢哋可以平安」。
報販謝女士則指昨日入了300份《蘋果》都賣清，今日入了150份，她預計中午便提早收檔，現時已賣了一半，「今日假期啲人會晏啲出嚟，今日封面靚。」她預計亦會賣完所剩的《蘋果》。她開報檔已三十多年，「睇住（蘋果）出世。」
今日是《蘋果日報》創刊26周年，市民到報檔買《蘋果日報》。
今日是《蘋果日報》創刊26周年，頭版是「支持蘋果」的廣告。
讀者梁小姐希望《蘋果》員工加油，「可以撐到幾時就幾時！」
文小姐說「香港市民都會支持《蘋果》，亦都衷心感謝你哋唔怕強權，繼續報道。」
讀者李先生坦言「我唔希望《蘋果》摺埋。」
報販謝女士指若少了《蘋果》售賣，直言「收入來源少咗」。
市民望《蘋果》撐到最後 「呢個係香港人嘅精神」
有心市民出錢買《蘋果》，放在旺角食肆「一日三餐」外供途人免費取閱。Andy (化名)特意購買二十份《蘋果日報》，並放於餐廳外供途人拿取，他表示「作為香港市民一定要撐蘋果日報」，希望蘋果可以渡過難關，希望市民可以盡量做能力範圍的事。被問到《蘋果》來年有機會未能繼續經營時，他坦言「就算最後結果唔係好都好，可以使到香港市民認識到今時今日嘅轉變，我哋睇到事實嘅證明，係咪一國兩制係咪可以實行呢，咁由每一個香港市民用眼耳去證明，真係係咪成功呢？」
讀者曾小姐則希望《蘋果》可以撐到最後，希望去到無選擇無辦法時才結束，「呢個係香港人嘅精神」。她亦希望在監獄的人士可以平安回家，寄語港人「留得青山在，大家加油。」
彭先生以簡單兩字「撐住」表示支持《蘋果》，直言「撐得一日得一日，白紙都買。」吳先生由97年開始已經買《蘋果》，他認為《蘋果》是「香港人嘅報紙」。吳小姐提到《蘋果》第一日出版時送蘋果，認為是「真心係對香港人好」。她最後寄語《蘋果》能「平安及堅持。」一位婆婆讀者則認為如《蘋果》被取締，「香港冇晒言論自由，冇晒媒體。」黃先生希望蘋果「加油，支持，撐住」。而另一位王先生祝願《蘋果》26周年生日快樂及「黎生加油」。
黃先生希望蘋果「加油，支持，撐住」。
Andy (化名)特意購買二十份《蘋果日報》，並放於餐廳外供途人拿取，他表示「作為香港市民一定要撐《蘋果日報》」，希望《蘋果》可以渡過難關 。
吳小姐認為《蘋果》是「真心係對香港人好」。她最後寄語《蘋果》「平安及堅持。」
曾小姐希望蘋果可以撐到最後，「呢個係香港人嘅精神」。她亦希望在監獄的人士可以平安回家。
彭先生以簡單兩字「撐住」表示支持《蘋果》，「撐得一日得一日，白紙都買。」
吳先生由97年開始已經有買蘋果，他認為蘋果是「香港人嘅報紙」。
王先生祝蘋果生日快樂及「黎生加油」。
-----------------------------
-----------------------------
你敢爆，我敢獎！ 立即Signal 63836568、WhatsApp 《蘋果》24小時爆相爆片熱線
或致電：63836568