據上海傳媒報導，上季CBA表現出色嘅射手費迪堤（Jimmer Fredette）近日就膝傷接受上海大鯊魚評估，有傳要休息約一個半月先會康復，意味極大機會趕唔切喺10月21日開鑼嘅新季亮相，預計會缺陣四到五場比賽；據悉上海大鯊魚會引入一名新外援頂替費迪堤嘅空缺，應付前幾輪聯賽。

值得一提嘅係，上季代表上海大鯊魚出戰41場比賽，場均得37.6分、8.2籃板、4.2攻助，仲獲選為CBA常規賽外援MVP；佢今年七月以180萬美元（約1,410萬港元）同上海大鯊魚續約兩年，而國內品牌361度早前為費迪堤推出簽名鞋㖭，不過個設計就有啲奇怪，上面印住「叁陸壹度」同「寂寞大神」，費迪堤死忠都未必會着出街。