早排成功刷新高登紀錄，榮升「負皮王」（負評王）嘅梁烈唯，喺報道（新聞連結： http://bit.ly/1iguiM5 ）出街後，佢去睇欣賞林希樺talkshow時變咗「謝皮王」（新聞連結： http://bit.ly/1OX79sK ），問佢回應時佢就話：「唉，冇乜回應呀。」

事隔負皮王事件一星期，梁烈唯前日喺微博度留咗一段長長哋、滿有含意嘅說話，話只要每個人都做好自己就得，「去證明給更加多的人看，我們是最好的，不用去爭論！這是沒有意義的！我們的人生好不好、家好不好、國家好不好，都看我們怎麼去做！我相信我們一定會更好的！」

唔知係咪因為咁，唯唯又開心番晒，今早貼咗張勁勁勁大頭嘅相，留言「早安」，佢應該係半裸，有一隻手輕撫佢的臉，瞇眼笑晒咁同大家講早晨，一臉幸福。

「家好不好、國家好不好，都看我們怎麼去做！我相信我們一定會更好的！」呢句係梁烈唯講嘅，希望佢以後都會記得，守望香港呢個家園。