對於新世界(017)推出新世代首置計劃，中文大學劉佐德全球經濟及金融研究所常務所長莊太量表示：「最平折實後都五百幾萬，又唔係特別平，只是首期低。講緊15個單位，我諗係gimmick，一個噱頭，當賣廣告。」

他指出，當中漸進式供款，只係開頭供少啲，後尾供多啲。目前坊間不少財務安掛都可以做到，等當事人有能力時供多啲。整個計劃，話係就住無乜錢嘅後生仔，但無論用咩plan都係要睇個樓價。如果售價比市價平，同周邊比係咪平啲，但我相信500幾萬都唔係真係平。

他強調：「目前僅15單位，究竟點決定個買家，抽籤或先到先得，都會引起哄動，整個計劃唔係真是好大折讓，如果透過抽籤，造成全城效應，其實好廣告!如果真是一個惠及年輕人的計劃就唔係15個，而是一百幾十個。」

蘋果財經，關心你飯碗
http://fb.com/appledailyatm