現年38歲嘅日劇《電車男》女星伊東美咲，透過事務所宣佈喺23號為彈珠機公司社長老公榎本善紀生咗個B仔，BB預產期原本同家姐生日一樣係6月27日，即係早咗幾日出世。現時伊東將會專心照顧囝囝，組織4人幸福家庭，雖暫未定會何時復工，但佢強調會家庭事業兩兼顧，絕對唔會退出藝能界。

伊東喺2009年下嫁榎本善紀，並於2010年6月誕下長女榮升媽咪，佢婚後曾暫別演藝工作，直至去年先再復出為時裝雜誌及育兒雜誌擔任模特兒。