受疫情影響，麻雀天九耍樂處所停業50多日，今日（11日）重開。有灣仔麻雀館做好防疫準備迎接客人，甫開門，場內已坐有數枱雀友大戰四方城，有雀友表示等候重開已久，感到「好happy」，又不介意不能在場內進食，「最緊要有糊食」，直言「餓左好耐」，要日日到場打牌。

位於灣仔駱克道的香港蔴雀娛樂公司今午開始營業，大門位置舉行了拜神儀式祈福，多名職員在館內準備，有熟客主動找職員量體溫，職員亦提供消毒洗手液搓手，他們又熱情地互相打招呼、問候，表示「好耐冇見」、「好掛住你呀」、「等左好耐喇，悶到嘔血呀，放監喇」。

場館跟從政府要求，每枱分隔1.5米或用膠板分隔，當有新客人加入即消毒麻雀，又在當眼處擺放消毒搓手液，但未有為每枱設洗手液，負責人張家寧笑言，因為有些客人較迷信，「話消消消，燒走我啲銀紙」，指示職員拿走，但客人們均會自備洗手液。

麻雀館中午開門後，陸續有客人到場，不消一小時，場內33張麻雀枱幾乎爆滿，張表示，相信第一日重開，加上月頭客人「手頭較鬆」，客量會較多，而停業多日，形容客人都「手痕」。張又表示，停業期間擔心重開後生意冷淡，故投資近10萬元開發手機程式，供客人儲分換禮物作招徠，而昨晚亦擔心今日生意欠奉致失眠，今日見眾多客人捧場感到興奮，惟經濟環境欠佳，可能會影響客人打牌意欲，仍要觀察一段日子才敢放心。對於會否擔心再被勒令停業，張坦言每次停業均好失落，惟「擔心唔到咁多，只能祈求疫情好轉」。

政府建議麻雀館內不要進食，該館亦有外賣安排。不願上鏡、打牌年資約40年的雀友林先生直言，不介意不能進食，「最緊要有糊食」，又稱今日準備打四、五小時，亦準備每日來，笑言「梗係要日日嚟啦，餓左咁耐」。林又稱，不太擔心感染風險，因打牌時不會對話，自己亦做足防疫措施，包括參與全民檢測，「檢查咗安心啲」。林又稱，不想評論政府防疫安排，惟他認為疫情爆發與娛樂場所、交通工具等人流密集無關，「呢度都冇人感染」。

另一不願上鏡、打牌年資約50年的廖先生則表示，在麻雀館停業期間，曾嘗試相約親友打牌，惟「始終唔夠腳，唔係個個鍾意打」，自稱賭徒的他，只能去賭波，活動亦變靜態，「由冇肚腩變有肚腩」。廖又稱，到該館打牌已有10年，終於等到麻雀館重開感到「好happy」，與職員及其他雀友相識多年，來打牌亦能「見下老朋友，冇咁悶」。

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！