於佔旺刑事藐視法庭案中，首名被判監的普通市民劉鐵民，今獲上訴庭裁定就刑期上訴得直，判刑由監禁4個月改為即時釋放，毋須重返監獄。惟劉今卻未有到庭聽取結果，法官亦表示沒人聯絡上他。《蘋果》事後找到劉，告知他上訴得直的消息，劉聞言即咧嘴而笑，相當高興，指上訴得直屬預料之內，直言原審法官陳慶偉判刑出錯，並苦笑道：「法官都要食飯，搵唔到人，咪搵個潦倒、落泊嘅阿伯頂住先，佢都要同共產黨交代。」

劉鐵民是從記者口中才知自己上訴得直，「無人話畀我聽！係你話畀我聽」。他得悉後即反覆說著「我都估到……唔使我到庭都得喇」，難掩其興奮之情。

記者主動問他為何今早未有到庭，他即笑謂：「法官判錯咗！咁多後生仔，拉都唔拉我，我只係茄喱啡，佢哋先係主角，佢哋都唔使坐監……不過法官都好難講，佢後面都有共產黨睇住……驚啲後生仔唔肯去坐，可能我好恰啲。」

劉多年露宿街頭，天地為家，坦言坐監雖三餐溫飽，但始終三山五嶽聚首，亦要失去自由，還柙的13天可謂相當辛苦，「坐監都唔容易坐！你知坐監個個犯罪，搞搞震，好似企喺度都打你幾鎚」。

記者陸羽平　蘇曉欣