顏卓靈向來跟才女彭秀慧相惜，而昨日彭秀慧和作家韓麗珠在香港文學館舉行「香港文學季」的開幕典禮及開幕講座，難得在港的顏卓靈馬上往撐場。

昨日講座的內容提到「女性獨居」，顏卓靈去年剛好搬了出來獨居，所以聽起來好有feel，她今日接受《蘋果》電話訪問時說：「呢個話題好啱我而家呢個年紀去聽，其實我去年做咗自己搬出嚟住決定，好想學習獨立成長，唔想依賴父母照顧，又想睇吓自己搞唔搞得掂，呢個係當時嘅初心。」首次獨居，令顏卓靈得到好多經驗，她續說：「我會自己喺屋企煮嘢食，以前睇就好簡單，但同家人住未試過，以前讀書又冇上過家政堂，完全唔識。一個女仔住，有時面對屋企有昆蟲，呢啲都由獨居中學習到。」

不過對比兩者，顏卓靈自愧不如，她覺得自己仍有學習空間，自爆去年雖然搬出來獨居，但始終不時出埠工作，變相留港時間不多，有時回港都會返娘家留宿，她說：「有時工作完咗返到香港都覺得好攰，好想倚賴，又返去娘家呢個comfort zone。但噚日嘅講座，提醒我女性獨居係一個課題，獨居令我成長，同埋學習管理及安排好自己各樣事情。」顏卓靈獨居遇到問題，未知男友白只可有「幫拖」？

-----------------------------
7月4日起 《蘋果動新聞》只限升級壹會員閱覽
繼續撐蘋果！