日田、夜谷係香港賽馬本色，但對騎練來說卻存在不一樣意義，一些弱勢馬房都會揀快活谷出擊，因馬匹質素次一級，再加上快活谷跑道形勢太極端，即使馬匹能力不高，但只要抽中好檔位臨場便可跑高兩、三成。

羅富全今季新開倉，開鑼日（3日）只出一匹「銘記心中」照贏，周三（6日）晚谷戰則出四駒，特色係四匹都係谷草馬，擺出全攻型姿態，與同屬首季開倉的菲特文作風截然不同！

頭場「辣得寶」在上手時只入位兩次全是谷草，羅富全接收後一直親自操練，超輕磅排好檔可贏。

第六場「魅力知心」上季首兩戰谷草1200米全入Q，反映唞完戰鬥力特佳。

尾場「鄉村輝煌」當日去吳廐（已解散）前一直由蔡約翰訓練，當時羅富全正是蔡廐副練，對此馬能力必有一定了解，六歲馬評分空間雖然唔多，不過季初在各有不足下憑勇態與決心，通常會嘗到甜頭。