許亦妮同太陽集團有米高層盧啟邦（Andrew）嘅戀情見光死，Andrew聲稱仍然係單身，前晚佢又再出動「獵食」，喺銅鑼灣出席餐廳私人派對。

據知Andrew成晚都黐住有份拍新片《喜愛夜蒲3》嘅文凱玲（Connie），向友人介紹係佢女友，Connie前晚喺微博放上被Andrew錫面嘅相留言：「Mysocall"bf"fortonight.（我今晚的所謂男友）」但無耐之後就刪除，Connie喺電話解釋：「太多人恭喜我，我仲係單身，驚嚇怕追求者。佢可能飲咗少少酒，之前食過飯，但我唔鍾意男人太花弗。」