楊天經今日去到新城電台，宣傳佢主演嘅舞台劇《女大不中留》，齣劇喺今個月21至24日，於沙田大會堂上演，天經媽咪即係陳寶珠，已經買晒總共5場嘅門票，到時日日捧場支持囝囝，天經話：「我好多親戚、朋友都會買飛捧場，而今次我哋包括演員、導演都係冇收取酬勞，更會將門券收益扣除成本撥捐俾有需要嘅團體。」天經今次喺劇中飾演一名娶咗個靚老婆嘅律師，上演一場爭產搞笑風雲。