娶朱麗倩冇時間表
華仔:會喺網上宣佈婚訊
劉德華與隱形女友朱麗倩拍拖23年,昨日華仔出席「親生仔」公仔Andox活動時表示,將會透過Andox講自己的私生活,更謂不想借講結婚做宣傳,將來結婚會在網上公佈。
劉德華昨日在銅鑼灣D-mop出席其「兒子」Andox與牛仔褲品牌BlueHeros合作的展覽,華仔更即席製作熨畫牛仔褲。他表示不想為Andox出產品或賺大錢,反而想Andox可上台演出,他說:「希望大家多啲認識佢先,𠵱家畫咗啲四格漫畫放上網,透過佢嘅角度,介紹我嘅生活,主要係我嘅私生活方面,因為房入面,除咗我,只有佢。」
問到其隱形女友朱麗倩是否都入室?華仔說:「首先多謝大家關心,我唔想圍繞呢個話題,最近有網站話我同梁朝偉兩個久唔久就講結婚,拎嚟做焦點,我覺得好尷尬,我結婚嘅話,會第一時間喺網上宣佈,會大字標題咁。」問華仔何時結婚?他說:「冇時間表。」對於梁朝偉宣佈今年結婚,問華仔是否都是今年娶朱麗倩?他說:「佢都係俾你哋屈。」
朱麗倩與劉德華拍拖多年來,行蹤十分神秘。 《忽然1周》圖片
華仔被問到會否擔任奧運火炬手,他指未收到通知,但不擔心被搶聖火,他說:「我諗政府會準備好晒,任何人(拎聖火)都好,都冇需要諗咁多,盡自己能力去跑就得。」有傳華仔會在電影中扮演馬英九,他說:「連馬英九都話唔好拍,點解仲要談論呢?」他又承認劉偉強執導的電影《風雲之再見無名》要延期,而彭氏兄弟的《風雲II》則正在泰國拍攝,華仔謂不覺太多《風雲》,他說:「唔怕,三國都拍咗咁多部啦。」
採訪:羅慧敏 攝影:陳慧安
朱麗倩
41歲
出生地:馬來西亞
感情狀況:85年經友人介紹下認識華仔,被指秘密拍拖23年。
近況:低調現身華仔今年初在紅館舉行的尾場個唱。
神秘指數:★★★★★
羅美薇
42歲
出生地:香港
感情狀況:85年跟學友拍拖,96年共諧連理,育有兩名女兒。
近況:因在過去3年更換21名菲傭,去年被菲律賓駐港總領事館列入僱請菲傭黑名單。
神秘指數:★★★★
樂基兒
27歲
出生地:澳門
感情狀況:05年跟黎明拍拖。
近況:與黎明愛得癡纏,早前更被誤傳婚訊。
神秘指數:★
熊黛林
26歲
出生地:南京
感情狀況:06年與城城傳緋聞。
近況:密密接騷,又參演電影《葉問》。
神秘指數:★★
(5粒★為最高)
資料來源:《蘋果》資料室