韓國人氣綜藝節目《無限挑戰》嘅46歲成員朴明秀，於2008年同韓秀敏結婚，婚後兩人育有一女，去年12月朴明秀曾自爆老婆再懷第二胎，不過日前太太卻不幸流產。

而朴明秀老婆亦已收拾心情，仲接受傳媒訪問，當中朴明秀老婆仲談及老公日前去咗整容，當中朴明秀做咗眼袋抽脂手術，韓秀敏自爆早於兩年前已經叫老公去做手術，不過朴明秀就一直冇做，直到日前手術當天，朴明秀仲講話唔做，最後韓秀敏就強硬地捉老公去咗醫院。

韓秀敏直言朴明秀做完手術後對結果好滿意，又話：「佢0依家望住塊鏡就會話：『我明白點解會有人整容了？』對於今次手術嘅效果，佢相當滿意。」