喺周六嘅意甲賽事，烏甸尼斯以1:0撃敗熱拿亞，但似乎賽果就唔係重點，重點就落喺熱拿亞前鋒彭迪夫身上。由於中場貝圖拉斯早喺上半場已經俾人趕咗出場，熱拿亞為填補佢嘅位置，唯有就犧牲彭迪夫，喺39分鐘就換走佢，換入中場。就喺彭迪夫跑出場嗰時，鏡頭捕捉到佢頭頂個地中海，有網民話個形狀好似男性嘅生殖器官，引來瘋狂討論。

34歲嘅彭迪夫可以講係馬其頓足球嘅象徵，佢一共為國家隊入咗30球，之前仲踢過拉素、國米呢啲大會。不過老實講，彭迪夫嘅髮型已經Keep咗好多年，希望各位網友高抬貴手，唔好再笑佢。