曾志偉同黃浩爆出嘅「掌摑風波」，警方調查半年，噚晚終於決定不提起訴，換言之志偉獲無條件釋放。對此黃浩噚晚回應本報訪問時，以短訊回覆：「我不知發生甚麼事，不願置評。」

真係夾都冇咁啱，今日一眾相關人物，包括曾志偉、徐淑敏，同被傳為警方助查嘅梁漢文，今日不約而同出現。先係曾志偉同事發當日力撐佢、仲陪佢去中環警署嘅苗僑偉。佢哋本來一齊應邀去機場為一間食肆主持開張儀式，同場仲有吳啟華、黃柏高、張文慈等。三哥同三嫂一齊到，以紅格仔恤衫情侶裝示人，心情好靚。不過未知是否因為唔想俾傳媒拉埋一齊問關於三哥錫錫志偉新抱Renee一事，所以志偉等到成個儀式完晒之後、三哥三嫂都走埋，先至現身。但該店就將三哥三嫂同志偉個花牌放喺門口當眼處作招徠。志偉出現嗰陣四萬咁口，心情甚靚，成個鬆晒咁款，更笑言本月係「甩難月」。



《蘋果日報》動新聞新版AndroidApp正式面世喇！Hit一吓，動全新！已經Download咗舊版App嘅朋友，請去返PlayStore手動更新；至於iPhone版嘅新版App，7月就會出街喇！

未download嘅，梗係即刻下載啦↓↓
http://bit.ly/Zbhry3