河國榮患皮膚癌，噚日做完切割手術，佢喺facebook貼相，晒「V手勢」報平安(新聞連結： http://bit.ly/2meDyCp )，河國榮接受《蘋果》訪問指，傷口癒合後要搽太陽油6個月，而日後自己都會做好防曬。

睇佢精神唔錯，下午3點幾喺fb開live，佢話：「我啲頭髮仲係包住緊，因為噚日做完手術，要包住兩日，不過唔緊要，都出嚟睇吓波先!」

原來佢去咗九龍睇香港板球會舉辦國際T20 Blitz比賽，一個game大約3個鐘，今日係last day，所以河國榮去捧場，佢仲大讚港隊好勁喺世界排十幾位，佢仲同香港板球會CEO影合照，佢喺片中就話：「佢今次有五個隊，每個隊有十一個隊員，有一半都係香港嘅板球會，另一半就係國際明星。」包括有紐西蘭、南非、巴基斯坦及阿拉伯等十個地方，場內亦有好多人嚟睇。