當年今日
關於我們

【湊仔好攰】自言喺屋企一啲都唔性感 Coffee有計劃生多個

蘋果日報 2019/06/26 16:04

王麗嘉Coffee沈卓盈

兩位人妻林芊妤(Coffee)、沈卓盈和王麗嘉今日在中環出席內衣品牌秋冬系列預覽,以黑色bra top配襯黑色珠片裙及外套的Coffee,力撼黑bra襯西裝外套的沈卓盈和黑色tube top配黑短裙的王麗嘉,Coffee指自己有點遜色,她表示:「我唔知大家着咩衫,但我幾鍾意呢件珠片衫,始終做咗媽咪之後,覺得太性感會好奇怪,而家已經好性感。」怕被老公鬧?Coffee說:「佢會問我做咩,(事前沒有向老公備案?)佢不嬲都唔理我工作,唔使同佢交代,但如果佢淨係見我着bra,佢會問我做乜咁性感。」她指披外套也是時裝的一種,就連挑選內衣,也是找印尼籍傭人姐姐「幫眼」。
問到老公喜歡她穿甚麼款式的內衣?Coffee笑說:「我冇問過佢喎,通常我喺屋企會好師奶,都係着番媽咪應有嘅服裝,可能結咗婚生咗仔就唔會有各方面嘅情趣。」有人笑指她的老公會看到厭?她即說:「係囉,會唔會呢?哎呀,好驚呀,不過我諗暫時唔使要激情,因為湊仔真係好攰,激情可以留番之後,暫時呢半年繼續湊仔做師奶算,我驚太過性感,好快又生多個,咁樣會好攰,講笑啫,其實我有計劃再生第二個,因為我都鍾意小朋友,順其自然啦,呢啲嘢急唔嚟,一急就冇。」訪問後,Coffee示意好熱要除去外套,趁機騷一騷身材。
首次接內衣騷工作的沈卓盈,她笑指事前沒有與老公備案,「佢好支持我嘅工作,亦唔會干涉我嘅工作。」由於她的老公做內衣生意,所以對內衣後有要求,沈卓盈說:「每次買咗新嘅返去,佢就專家上身,研究質地同設計,好搞笑。」沈卓盈表示喜歡既性感又神秘的喱士款式,她認為內衣是時裝一部份。能否這個打扮出街?她笑說:「睇場合啦,我都會儲靚睡衣和內衣,總有幾套傍身。」她坦言接內衣騷要視乎尺度,但接受不到T-back,最重要是靚和健康。
-----------------------------
7月4日起 《蘋果動新聞》只限升級壹會員閱覽
繼續撐蘋果!
empty
攝影:陳慧安
empty
林芊妤、沈卓盈和王麗嘉今日在中環出席內衣品牌秋冬系列預覽。
empty
Coffee指做了媽咪之後,覺得太性感會好奇怪。
empty
Coffee笑說:「通常我喺屋企會好師奶,湊仔真係好攰。」
empty
Coffee說自己有計劃再生第二個,不過會順其自然。
empty
首次接內衣騷工作的沈卓盈,笑指事前沒有與老公備案。
empty
老公做內衣生意,沈卓盈說:「每次買咗新嘅返去,佢就專家上身。」
empty
她坦言接內衣騷要視乎尺度,但接受不到T-back,最重要是靚和健康。