韓劇《奇皇后》女星河知雲、韓劇《未來的選擇》女星尹恩惠、韓劇《賢內助女王》女星金南珠、女團missA嘅秀智、拍緊韓劇《鋼鐵人》嘅李東旭等，前晚盛裝現身首爾廣津區，出席卡地亞嘅活動。

眾女星都悉心打扮，當中河知雲雖然着得好似好密實，但卻隱約透出黑bra及露纖腰，即時成功搶鏡，而河知雲比起之前都修身唔少，睇嚟佢為咗進軍荷李活近日努力操弗，為未來做好準備。

同場嘅尹恩惠係黑色貼身裙緊貼下，好似圓潤咗唔少，據知佢將於下周四現身北京，擔任「中韓青年夢享微電影節」嘅形象大使。