葉家寶與田中啟泰晚上在灣仔出席劉晨芝的飲食節目錄影，曾在無綫工作的葉家寶，對於「殼王」陳國強辭任無綫主席一職感愕然，表示二人是中學同學，自己以前在亞視艱苦日子，對方也有關心，所以稍後有機會聯絡對方了解情況，之前未有聽聞他會辭職。

繼亞視倒閉後，現時無綫多番人事變動和不利傳聞，葉家寶覺得電視界都不斷在變化，他說：「變幻原是永恆，而且各行各業都會，巿場不斷有變化才是好事，可創新加入新元素。」他覺得變化以外也要穩定「軍心」，但行政總裁李寶安已預告會大裁員，葉家寶謂商業巿場，作為上巿公司可能要製造「靚」業績，避不了惋惜地用裁員方法，他指出之前曾聽聞無綫裁員後，考慮節目外判，覺得這個做法是現今世界新趨勢。而當年亞視亦先裁員後外判節目，可會覺得無綫會步亞視後塵？他說：「TVB有咁耐歷史，而且背後有咁豐厚財團，我唔希望見到會變成咁，對佢哋滿有信心。」

另外，劉晨芝飲食節目已拍第2輯，今次主要教整甜品，預計拍12集，每集一個嘉賓，她邀請各界別的人出席：「我會約梁釗峰、甄澤權等人，可以搞新意思，一邊整嘢食可能唱歌或者變魔術。」平時她喜歡為男友下廚，自己對朋友很體貼，但有男友試過反應一般，她說：「都會唔開心㗎，一心整好多嘢，但佢唔感恩我整嘢食，可能平時習慣我整嘢食，唔當一回事。」

採訪、攝影：王連連

-----------------------------
《2019高級珠寶鑑賞誌》
點擊即睇過百款鑽飾名表
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇