經常受到傷患困擾嘅曼城隊長高柏尼，早前代表比利時國家隊踢國際賽小腿又傷，英國傳媒就話藍月領隊哥迪奧拿對佢已經冇乜耐性，會考慮將佢賣走。

比利時早前喺世界盃歐洲區外圍賽以9:0大勝直布羅陀，高柏尼喺小腿有傷嘅情況之下踢足90分鐘，結果呢位31歲後衛錯過咗藍月上星期六大炒利物浦嘅英超聯賽，星期三喺歐聯第一場分組賽作客飛燕諾出唔出得仲係未知數。有報道話哥迪奧拿可能會考慮賣走高柏尼，而《太陽報》就話熱刺嘅艾達韋列特係取代高柏尼嘅可能人選。