剛於上月接受骨髓移植手術的血癌漢李健民，手術後因為抵抗力弱，以致肝臟及腎臟受到細菌感染，不幸於本月九日病逝，終年三十九歲。

兩子不知父已逝
「佢臨去之前幾日情況好差，見佢捱得好辛苦，塊面黃晒，成身又腫，醫生話係因為佢個腎有細菌感染，排唔到尿；跟住連個肝都壞埋，當時佢講嘢已經唔係好清楚，冇留低乜說話。」李太黯然地說。
至於阿民一對只得兩歲及四歲的兒子，由於年紀太輕，不知道慈父已經病逝。「大仔以為爸爸瞓咗，我同佢講，爸爸以後都唔會返嚟。」
去年罹患急性血癌的阿民，月前在外地覓得脗合骨髓，蘋果日報慈善基金為其成功籌募海外捐髓者的抽取骨髓手術費及空運費，及後香港骨髓捐贈基金為他在本地覓得港人捐增的骨髓，並進行移植。