【新增短片】
立法會港島區補選當選人區諾軒將於下周三（21日）宣誓就任，但有親建制商人入稟司法覆核挑戰其當選資格，雖然入稟人今日撤銷要求法庭頒佈禁制令，禁止區諾軒宣誓的申請，但司法覆核的申請仍排期至月尾審理。區諾軒回應稱，收到消息指立法會建制派有意在他宣誓當天製造流會，阻止他宣誓就任，呼籲建制派高抬貴手，「因為咁樣唔尊重市民嘅意願，其實會畀人一個好差嘅印象，就係原來王國興同部份建制派係輸打贏要嘅，係唔尊重港島區選民選出嚟嘅選舉結果。」

區諾軒承認，明知能做的事不多，「我只可以喺度承諾大家，我會以相當之謹慎嘅方式去應對嚟緊嘅法律程序，亦都會以十分謹慎嘅方式去面對嚟緊星期三嘅宣誓。」他預告，宣誓時不會加上誓詞以外的其他字眼。

被問到有否後否在選舉論壇上稱日後或再「燒基本法」時，區再次澄清當日火燒基本法道具是為抗議人大主動釋法破壞基本法精神，「我對釋法有意見，唔等於我唔尊重《基本法》。正正原意係希望北京尊重《基本法》原意」。至於當日行為是否太輕率，他就以事件已進入法律程序而拒絕回應。