無線高層捧英皇新丁場

蘋果日報 2003/09/03 00:00


英皇新人吳浩康昨午在黃埔海逸酒店舉行記者會,雖然昨日颱風襲港,但無綫、港台、商台及新城高層都有捧場,而英皇老闆楊受成及高層吳雨更不時與眾人握手。
早前廉署調查樂壇貪污案弄致滿城風雨,但吳雨昨日不避嫌與代替何麗全一職的無綫高層黃家亮傾談,事後問吳雨會否怕敏感?他說:「冇嘢喎,唔見得人咩?我哋講仔經。」
而陳奕迅(Eason)和容祖兒(Joey)昨日亦有到場支持師弟,不過Eason遲了四十五分鐘才到場。
近日有消息指華星會重開,而梁漢文亦透露即將約滿的Eason獲其他唱片公司斟洽,對此Eason說:「梁漢文講嘅嘢,應該問番佢答,可能有啲嘢佢聽到,我聽唔到,但係我同佢係好朋友。」

Joey贊成婚前性行為
此外,Joey前晚到港台擔任《開心晚報》首集嘉賓,被問到有關性的問題時,Joey則坦言隨年紀愈大,會明白性方面較多,至於是否贊成婚前性行為,Joey說:「要睇兩個人相交嘅時間,同埋愛有幾多,我覺得OK,呢啲係你情我願,不過我就接受唔到一夜情,身體係好寶貴,唔容許三唔識七嘅人睇我身體。」
採訪:駱華齡 攝影:陳慧安
empty
英皇新人吳浩康昨日即場表演。
empty
Eason、Joey和楊受成昨日同撐吳浩康。