【武漢肺炎】《黃金有罪》演員齊戴口罩做宣傳 蕭正楠黃翠如屋企冇米
蘋果日報 2020/02/05 19:55
蕭正楠張兆輝洪永城黃翠如黃金有罪
- 用酒精噴手，以防病毒。
- 全體演員戴口罩做宣傳。
- 張兆輝透露昨日有太太相伴，慶祝57歲生日。
- 蕭正楠想送米和口罩給太太黃翠如。
- 洪永城表示已買家俬與女友同居。
- 黃翠如在IG表示家中的物資短缺。 (Instagram圖片)
- 黃翠如指自己想買米，可惜最後空手而回。(Instagram圖片)
無綫電視城昨日下午有人於12和13廠外嘔吐，清潔部門立即處理，派員到上址進行消毒和清潔，加上最近疫情加劇，無綫加強抗疫措施，全面消毒清潔各個錄影廠。
今日，劇集《黃金有罪》在電視城內有宣傳活動，上月初曾到武漢登台的張兆輝都有出席，他與其他演員都有用酒精噴手，做足預防措施。提到武漢肺炎擴散全球，不少國家對中國旅客採取限制措施，其中意大利宣佈暫停往來意大利和中國的航班，包括香港、澳門及台北的班次，恰巧當時張兆輝與太太在意大利滑雪，他只好立即改道由瑞士返港，他說：「由朝早坐車到夜晚，10幾個鐘，不過咁樣都幾好，我哋可以傾下偈，睇吓沿途嘅風景。」講到昨日是張兆輝57歲生日，他高興地表示與太太在家開酒撐枱腳。
疫情令不少國家及地區都中招，以致娛樂事業大受影響，姚子羚透露原定明天與張兆輝、蕭正楠飛往新加坡宣傳劇集，但現時經已取消，她說：「少去啲人多嘅地方，對自己都好啲。」對於洪永城將於本月中接拍劇集《陀槍師姐2020》，他表示暫未知道會否延期開拍。
提到洪永城曾透露今年會與女友梁諾妍同居，他笑着表示已開始買家俬。會否擔心同居後，才發現相見好同住難？在旁的蕭正楠即笑說：「佢哋嘅關係早啲住埋一齊都好，對方見形勢唔對路，可以及早離開吖嘛！」洪永城聞後笑說：「我唔擔心！」下星期五就是情人節，洪永城和蕭正楠坦言沒有慶祝的準備，反而會更加留意疫情消息，蕭正楠笑說：「屋企嘅米已經所剩無幾，我哋都搵咗幾日，我相信如果我送米畀佢（太太黃翠如），佢應該會幾開心，用米同口罩喺地下圍個心。」
黃翠如今日亦於IG留言，她表示家中缺貨，不過依然買不到，「你今天過得怎樣？我先分享。起床，看新聞，上網看看有沒有物資返貨，當然沒有，家人說看到有人拿一袋米走出超市，我走去超市看，空手而回，揀了一套劇，入劇中。你，今天過得怎樣？我，祝福我們每一位。重要的物資，還是留給有需要的人。」而蕭正楠事後在微博上載宣傳活動相片，並留言：「第一次以這樣的形式宣傳電視劇，感激參與嘅演員出席支持，仲有同場嘅媒體朋友和工作人員，努力工作之餘也要身體健康。」
-----------------------------