被問到梁振英坐在特首之位舒不舒服？范太說：「我覺得佢坐得幾舒服，你唔覺得咩？次次出嚟都笑得咁開心。」那麼梁振英是否理想特首？范太的回應是：「呢個唔好講啦！」
范太指出，理想的特首是要將大部份港人的想法，以中央能理解的方式向內地反映，同時要將中央想法以港人能接受的方式表達，做到中間人的角色，「要make the deal（做好溝通工作）、唔係break the deal」、「唔係透過佢嘅溝通，令到兩方面都好唔開心」。她認為要中央及港人雙方面都願意聽當事人所講，「（做特首）好多時都會做得辛苦，就要受吓委屈」。
港獨近年成為香港社會熱切討論的話題，不少人認為多次挑起港獨議題的梁振英是「港獨之父」。范太認為，港獨之父的外號只是諷刺梁振英，但問及港獨議題是不是虛火，范太則指，照現時形勢看來，這虛火似乎不會自動消失。
早前中大民調發現有17%的受訪者支持港獨，范太指情況需要反省，又指若真的走向港獨，全部香港人均需付出代價。她重申港獨不可行，但指：「𠵱家咁多年輕人話要港獨，其實就係不滿現屆政府，當中有一大部份人係覺得特首都係聽中央指示做事，所以同時不滿中央。」她叫大家自行想想為何上兩任特首管治時都沒出現此情況，「我作唔到解釋，因為我解釋唔到」。
■記者陳雪玲