特首小圈子選舉嘅前哨戰、即係選出呢個小圈子嘅選舉結果周一揭曉，進一步證明這個選舉制度的可惡，阿爺showquali要邊個生就生，要邊個死就死。民望高企的梁振英只得約五十鐵票，連入閘都未必得，而泛民則爆冷攞到二百票，入閘有望。
沙膽虹絕對唔係捧梁，亦唔係為梁得票低惋惜。梁振英嘅大有為政府跟沙膽虹嘅小政府根本就背道而馳，越想有為嘅政府只會做多錯多，與民爭利，浪費公帑……沙膽虹家只係替呢啲選委難過，為香港人惋惜。
梁在近月的民調一直都大幅領先，選委今次選舉結果係阿爺要清楚話畀香港人知：民意？嗱！你話香港人可唔可悲！有份投票選選委嗰班友仔，好多睇嚟亦唔理民意，都係聽阿爺電話，睇阿爺頭。沙膽虹原本有個善良願望，以為雖然係小圈子選舉，如果民意好清楚支持某人，小圈子選委都唔會閉上眼睛去投票啩?!又一次證明沙膽虹toosimple、sometimesnaive。
家梁連入唔入到閘都成問題，一個講法話阿爺見佢民望咁高，決定唔放佢入閘，以免三月小圈子選特首時尷尬。放白鴿仔入閘，白鴿仔的民望分分鐘低過唐唐，既可做場競爭show，唐唐贏了又唔會尷尬，比較合阿爺胃口。睇來梁非要民望插水都冇機會入閘！
香港人今次再次認識到阿爺對民意的態度，就要更珍惜每年集會表達意見的權利！

沙膽虹