英超球隊一季出三件新波衫都基本係新常態，好似同樣由一剔贊助嘅車路士同曼城，周二就一齊公佈第二款作客球衣；雖然車仔就用上黑灰色，曼城就用上墨綠色，但大家都用上幾何圖案暗紋，甚至兩隊會章又似，相似度真係有8成咁滯。或者講句：「大家都是一剔，不用分那麼細。」

同日一樣係一剔贊助嘅熱刺，亦公佈第3作客波衫，紫黃色主色，叫做有大啲分別囉。