蘭西情報課：姊弟睇美孚唔覺意買多間
蘋果日報 2005/04/29 00:00
啲人買樓同買衫冇乜分別，係咁意睇吓就畀錢。利記姚美寶話，荔枝角美孚新邨一個租客家庭，家姐想喺同區置業，睇中三期百老滙街四十五號低層七百呎D，以一百九十六萬購入，每呎二千八，比業主開價平四萬。
佢由細佬陪同，簽臨時買賣合約時，買賣雙方自不然傾吓偈，業主透露，其實佢重揸住件四期百老滙街一一七號低層D，九百六十呎，準備賣三百萬，業主話，可以帶佢哋去睇，啱嘅重可以計平啲。
姚美寶話，兩姊弟睇完，細佬覺得鍾意，而業主肯收順啲，終於以二百八十萬扑槌，呎價二千九百，比市價低五巴仙。就係咁，兩姊弟齊齊變成業主。
港澳「同門」同人唔同命
新地尖沙嘴凱旋門創造賣樓神話，一夜間令到全城哄動，樓市氣氛急速升溫，近排重不斷傳出二手獲利成交。原來，澳門都有個盤叫凱旋門，不過，呢個澳門中區凱旋門廣場，得嗰三座六層高，乃低密度住宅，入伙7年。
喺澳門樓市近月火熱下，呢個盤都係得一兩單成交，好似美記咁，三月做咗件低層F，一千呎，作價九十三萬，本月有個低層E，以九十五萬沽出，千一呎。
至於放售，同樣數得出咁多，只有兩件，低層F，八百呎，叫價百二萬；高層S，八百四十呎，一百零五萬。
大家都叫凱旋門，只係一水之隔，但市況就差天共地。
另外，地監局周三帶隊到澳門，與當地官員會面，就兩地代理業發展交流意見。
佢由細佬陪同，簽臨時買賣合約時，買賣雙方自不然傾吓偈，業主透露，其實佢重揸住件四期百老滙街一一七號低層D，九百六十呎，準備賣三百萬，業主話，可以帶佢哋去睇，啱嘅重可以計平啲。
姚美寶話，兩姊弟睇完，細佬覺得鍾意，而業主肯收順啲，終於以二百八十萬扑槌，呎價二千九百，比市價低五巴仙。就係咁，兩姊弟齊齊變成業主。
新地尖沙嘴凱旋門創造賣樓神話，一夜間令到全城哄動，樓市氣氛急速升溫，近排重不斷傳出二手獲利成交。原來，澳門都有個盤叫凱旋門，不過，呢個澳門中區凱旋門廣場，得嗰三座六層高，乃低密度住宅，入伙7年。
喺澳門樓市近月火熱下，呢個盤都係得一兩單成交，好似美記咁，三月做咗件低層F，一千呎，作價九十三萬，本月有個低層E，以九十五萬沽出，千一呎。
至於放售，同樣數得出咁多，只有兩件，低層F，八百呎，叫價百二萬；高層S，八百四十呎，一百零五萬。
大家都叫凱旋門，只係一水之隔，但市況就差天共地。
另外，地監局周三帶隊到澳門，與當地官員會面，就兩地代理業發展交流意見。
一手豪宅雖然可以話唔憂賣，但發展商仍然搞活動促銷，相信係想增加樓盤知名度，可以再賣高啲。
恒基中半山富滙豪庭，早兩日至搵美記做獨家，代理第一座尚餘半數貨尾，今日又喺樓盤會所舉辦「豪宅金鑽耀全城」活動，由恒基謝偉銓與金至尊伍綺媚，公布送出總值六百萬置業及鑽飾禮券計劃。
名模李嘉慧及陳沛嘉，重會展示金至尊首飾；股壇名嘴陸叔陳永陸就分析豪宅與珠寶投資之道。
若果個盤平均賣到兩萬蚊呎，淨係最平嗰個，都要四千幾萬，咁送幾百萬又算得乜呢？
蘭西噚日講起，有件工廠筍貨成交，淨回報都有九厘，係一般住宅嘅三倍，經紀話未算高，十四厘都有。
中記話，火炭威力工業中心地廠一萬呎，業主舊年八百三十萬買番嚟，擺幾個月，有間貿易公司以九萬八千蚊承租，每呎九個七，拍住啲偏遠地區舖租，回報率計落十四厘。
經紀話，買地廠要揀啲門前有泊車位嘅，第日可以吸引汽車維修、物流或者貿易公司嚟租。中記補充，火炭華耀工業中心地廠，三千五百幾呎，都以四百五十三萬易主，大約千三蚊呎。
屋之島李思博話，台資商人○○年底用三百四十三萬，買入尖沙嘴好時中心九○三室，近千三呎，舊年再以四百零五萬，買埋同層九○七室，千呎多啲，一直收緊租。
業主最近諗擴充，又想歸一啲，將單位賣畀兩個投資者，收一千二百三十三萬，賺近五百萬。
李思博話，呢個台商都有諗住買個大啲單位，但唔啱心水，不如租樓，用每呎十九蚊，租咗同廈同層○一及○二室，二千六百呎。
呢個台商一買一賣，賺到嘅錢，足夠交八年租。
地產代理行參與善慈活動日漸增多，美聯集團旗下美善會，今年再度獲得社會福利署，頒發「義務工作嘉許銀狀」，表揚佢哋嘅貢獻。
美記兩名前線員工，重齊齊獲得社會福利署嘅「義務工作嘉許銅狀」㖭。美記義工，舊年亦都有參與派糭同月餅等活動。
另外，美善會喺今個月初，為「麥當勞叔叔之家」舉辦咗一項福袋義賣活動，合共賣出五百幾個福袋，籌到兩萬蚊。
𠵱家兩大地產代理集團中記同美記，大家都不甘後人，積極參與唔同形式嘅慈善活動，為不幸嘅一群送暖，呢股風氣值得推廣。
電郵地址：[email protected]
富滙造勢，無非想個價賣得靚啲。
澳門凱旋門同香港凱旋門級數差好遠，難怪買賣疏落。
台商賣咗好時中心單位，賺到嘅夠交幾年租，真係富貴迫人來。