韓劇《茶煲阿四》嘅35歲女星韓藝瑟同《又，吳海英》嘅36歲男星金基石，將出演MBC新劇《20世紀少男少女》，新劇將於下月首播。劇情主要圍繞三個35歲嘅女人之間嘅故事，集合愛情同友情嘅現實故事。

而今次新劇仲會喺香港取景，到時粉絲就可以碰下運氣，睇吓有冇機會喺街上見到二人開工。韓藝瑟同金基石今日仲出發來港準備拍攝新劇，當中韓藝瑟上身就穿上oversize T恤，下身卻着咗條紅色喱士裙，再襯上一對高跟短Boot，上身輕便下身隆重，感覺好唔協調。

韓藝瑟去年10月同拍拖四年嘅YG事務所王牌音樂製作人Teddy分手後，一直未有新工作，直到日前先公佈接拍新劇。