大快活（0052）行政總裁陳志成稱，去年餐飲單價加幅不多於1.5%，今年亦會盡量控制在2%內，「如果食材成本平衡到，希望唔會大加；但睇返員工同租金成本無特別大跌幅⋯⋯我哋唔會話唔加，但會睇住加價幅度顧客承唔承受到。」

截至3月底止全年，香港同店銷售按年升4%。陳志成稱，期內快餐店平均消費由35元微升到35.4至35.5元；至於特色餐廳的人均消費較高，譬如「ASAP」達80元，「一碗肉臊」則接近60元。他續稱，集團會通過調整餐飲組合，包括推20元早餐等優惠套餐吸客，期望今年同店銷售錄得中高位數升幅。

此外，期內溢利僅升2.2%至2.05億元，增幅明顯較往年放緩。陳志成僅稱，大快活以持續進步為目標，並無倒退，「喺個別年份有特別因素推高純利，但我哋咁多年都係增長緊。」他又指，集團計劃今年在港開設13至14間門店，內地會再開2至3間。

記者：溫婉婷

掌握財經地產資訊，即Like「蘋果ATM」fb專頁啦！
http://fb.com/appledailyatm