雄霸香港樂壇多年嘅陳奕迅，上年拎完叱咤十連霸男金之後，表現得意興闌珊，今年都明顯放慢手腳，最後男歌手金獎，由周柏豪奪得！

首先阿奴阿占又係拍條片玩嘢，去返柏豪以前做嘢嘅錄音室拍返番佢啲片段，仲搵嚟陳光榮評價，佢話：「佢都幾快靚正，tune結他，外賣都好快，佢會覺得開心做嘢，唔會有唔開心樣。」

台下嘅柏豪已經忍住眼淚，佢上台話：「多謝商台，多謝你哋由第一日比咁多機會我，好想係呢個台多謝歌迷，成日聽我嘅歌迷，要搵到知音係一件好鼓舞嘅事嚟嘅，喺呢度有無比嘅壓力同緊張，我而家有啲暈，所以我係好需要你哋嘅掌聲，總之有聲我就會定，多謝喜歡我歌嘅朋友。」唱歌期間話：「呢8年我完成咗好多夢想，將來會更加難行，我會做得更好跑快啲。」

而陳奕迅就得到男歌手銅獎，不過Eason冇到，由環球代表領獎。

銀獎就由許志安奪得，佢話:「再一次多謝商台，唔講唔知原來我86年入行，香港係需要有頒獎禮，香港係需要有譚玉瑛，歌手都要肯定。」