聖誕新年，忙住吃喝玩樂嘅絕對唔係我哋，熱愛賽馬嘅朋友出席聚會始終都係會心繫馬仔，如果聚會有一個半個玩馬嘅同行者，我哋隨時柄埋一邊，用討論「國家大事mode」去交流，特別係2019最後一戰要出多啲力，為今年畫上圓滿句號。

第三場四班1200米草地，有三匹馬特別鍾意，順祝大家2020年生生猛猛，樂樂無窮。

「首飾傳奇」上場初出狀態未十足，輕輕一追都上名。呢一個月有跳有做閘，再進步少少，對住大半班新手好夠用。轉排外檔，快馬唔多，想發揮水準就要立心搶前，唔做一隻三叠嘅熱門啦！

「超額認購」上場蝕盡形勢，喺無得追嘅場合展示驚人後勁，增程200絕對有能力。上回嘅三甲份子識得打叠好，佢谷到癲嚟上陣，排檔改善跟番前，爭做今次嘅三甲份子啦！

「錢途燦爛」係相對有經驗嘅賽駒，外觀一向唔差，而同樣有好強後勁。評分夠低，今次輕磅有檔，可能會捉實時機反彈喎......唔搵膽，買鐵角先！如果扭歪條Q無大熱，咁就肥囉！

-------------------------------
參加《玄機解馬》節目，可免費畀美女堪輿學家唐碧霞睇八字、睇相指點迷津，快啲入嚟報名。
點擊即可免費睇相
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇