韓國型男玄彬夥拍女星朴信惠合作嘅tvN新劇《阿爾罕布拉宮的回憶》，唔受年末嘅特備節目影響，將於今晚如常播出第9集。

承接上集劇情，兩人喺首爾重逢，而玄彬亦冧爆表示因為掛住朴信惠而去見對方，兩人感情升溫。而劇組今日公開嘅預告相中，唔知朴信惠因咩事而落淚，不過坐喺一旁嘅玄彬就深情地望住女方，並伸出手為朴信惠抹眼淚，十分甜蜜。

而今晚將會講到，玄彬為咗搵失咗蹤嘅燦烈，再度返回西班牙格拉納達並進入遊戲世界，但玄彬就一臉愁容咁坐喺火車站，又見其秘書拎住手槍指向某人，唔知係咪又遇上危險？

另外，忙於趕拍新劇嘅朴信惠噚日再更新Instagram，上載自己穿上厚厚羽絨服嘅新相，留言寫道「好凍」，粉絲紛紛留言叫佢要小心身體。

精選韓流，喺晒《娛果》
http://fb.com/appledailyent