隔牆有耳:小肥張變娥特錄音機 - 李八方

蘋果日報 2017/07/13 00:00


特首林鄭月娥一聲令下,三司十三局立即要主動出擊,各自落區同見傳媒,展示林鄭政府施政「新風格、新氣象」。
政務司司長張建宗噚日就同傳媒飯局,全場講得最多嘅,梗係點樣落實林鄭施政新風指示,好似佢話成個問責班子都要落區,三司十三局全部要輪流去18個區議會同區議員交流,最少要半小時,又話局長要同立會議員溝通,日後副局、政助更要負責同議員助理溝通,仲話副局、政助8月底應該齊班,10月就要全面出動,仲話自己一定唔會見到記者就走。
至於佢自己,張建宗話佢有好多嘢搞,好似青少年問題、大灣區、一帶一路等等,之不過一問到以往由政務司司長負責嘅政改呢,張建宗立即loop番林鄭之前嘅回應,就係要有共識兼有氣氛先至得,果然緊跟林鄭路線。