啱啱講完德甲球隊利華古遜聘請前德國國腳靴列治成為新教練，而喺今年3月被辭退嘅前主帥羅渣舒密特亦有班落，就係去中超搵人仔！中超球隊北京國安周六宣佈同50歲嘅舒密特簽約兩年半，7月1日正式上任，仲形容舒密特嘅高位壓逼戰術「得到了全世界的矚目」，「他帶領隊伍鏖戰對手，激情四射」咁話。

另一中超豪門江蘇蘇寧同樣物色新帥中，據意大利傳媒報道，名帥卡比路已經飛到中國洽談，事隔兩年後有望「出山」，仲隨時帶埋森保達同布洛治東來做助手。