特首林鄭月娥早幾日自稱冇政治能量處理佢當選時嘅首要工作，即係改善行政立法關係，可能佢都怕被人質疑，咁佢仲有能力做啲乜？所以今日佢宣佈成立香港桂冠論壇，政府仲出埋新聞稿娓娓道來呢個論壇嘅誕生，話目的係為年輕一代提供同優秀科學家交流機會，激發佢哋對科學嘅熱情，論壇將於2021年、即係佢呢屆任期屆滿前一年先舉辦，下月則喺禮賓府舉辦起動禮。以為無情情搞論壇？北京看重創技創新，娥特為何瞓身，好易明啫！

娥特就話透過匯聚科學家培育下一代嘅念頭，早喺上任之初出現，靈感來自邵逸夫獎，指論壇籌備工作開展非常順利，嚿年輪住同獲得諾貝爾獎、邵逸夫獎嘅學者見面交流，今年1月親自去信所有邵逸夫獎得獎人，介紹兼邀請出席論壇，至今逾三分二得獎人表明有興趣出席，當中6位係諾貝爾獎得主，2位係菲爾茲獎得主，而喺娥特處理晒前期工作後，今個月主辦論壇嘅委員會先至成立，但原來董事會成員今年2月已經喺禮賓府碰頭，成員包括范徐麗泰同任志剛等，夠晒份量。

民陣4.28反送中條例遊行
日期：4月28日（星期日）
集合地點：銅鑼灣東角道（下午3時集合）
起步時間：下午4時
遊行路線：銅鑼灣東角道至立法會
資料來源：民陣

---------------------------
星期一至五晚上10點半*
《動腦Q》Let's Q the money！
http://bit.ly/2QW8LcI