【大圍車房命案】車房老闆不離不棄︰智斌乖到不得了
大圍車房命案鄭智斌
沙田大圍去年11月發生命案，控方今日撤誤殺罪，3被告當庭釋放。其中獲撤控的29歲車房技工鄭智斌，他當時在鄰舖車房工作，聽到老闆Tim的提議，跑出店外協助制服疑人，結果惹上官非。Tim事發後對鄭智斌不離不棄，替他請律師，聲言會等鄭出來。今早鄭智斌當庭釋放後，第一時間致電Tim報喜，更表示可以即時返工，但好老闆叮囑他先陪伴家人，休息足夠後才返車房工作。
Tim認為，撤控是公義的決定。「如果佢哋真係有打死人，佢哋應該入罪。」Tim透露，案發時他亦身處現場，目睹整個過程，當日亦是他打電話報警，相信3人當時只是一心想捉賊，他報案時警員更回應指︰「如果有人掙扎，搵多幾個人撳住佢」，所以Tim才叫鄭智斌協助陳宗達及陳穗豪制服疑人。
「成件事都唔關智斌事，佢只不過係幫手，佢好無辜。」Tim表示，不知驗屍報告內容如何，但指當時3人制服疑人及警察到場時，疑人仍未死亡
Tim表示，鄭智斌被拘留時，曾叫他請人頂替自己位置。但Tim拒絕請人，過去4個月自己落手落腳補位，「一路都留咗位畀智斌，等佢出嚟再合作。」Tim形容已替他打工4年的智斌「乖到不得了」，指他性格內向，誠實可靠，不會撩事鬥非。而鄰舖車房老闆陳穗豪及陳宗達今日也獲釋，Tim已透過短訊恭喜兩人。
全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2VKESPM