張可頤開心執阿佘二攤

蘋果日報 2011/02/23 00:00


張可頤、黎耀祥、吳卓羲和徐子珊昨日現身將軍澳電視廣播城,為無綫新劇《法證先鋒III》進行拜神儀式,張可頤頂替早前聲稱在內地拍劇跌傷辭演的佘詩曼,張可頤昨日未有因為執二攤而感不快,更與眾男女演員有說有笑。
徐子珊否認狂NG
早前有指徐子珊拍該劇時,經常未有讀熟劇本及走錯位頻NG,她直言看完報道後得啖笑,問她可有經常NG?她說:「雖然我好多對白,但真係唔多NG,因為我做警察,所以對白都唔難念。」
黎耀祥也力撐子珊說:「根本都唔關事,根本個個都瀨嘢,因為好多專用名詞都唔錯得,所以如果冇讀劇本就死喇,連我咁天才都打唔到天才波,今次都打爛咗我少NG嘅金漆招牌。」
採訪:王崇穎
攝影:林德雄