鍾嘉欣近日從加拿大返港為推出新歌《做你的晨曦》宣傳，順道賺外快，今日在金鐘出席投資講座活動。

嘉欣表示歌曲是特別寫給女兒，歌詞中亦有女兒名字「愛晨」，並指該曲包含了支持囡囡、以及永遠做她後盾的意思：「我由細到大經歷都有爸爸媽媽支持，我想成為阿女最大推動力，陪佢度過每個難關。」嘉欣更開心地表示囡囡聽完後，竟然可以整首廣東歌重唱。

今次嘉欣帶同子女和父母齊齊返港，兩姐弟在飛機上一同看電影、睡覺，嘉欣指婚後已很少和父母一起出埠，今次與他們同行，可以回顧自己做小朋友的時候，更直言：「而家俾爸爸媽媽呵護番我同啲孫，好開心。」由於老公因工作不便一起回港，故小朋友要父母幫手湊。

相比起Super媽咪陳茵媺一拖三，不能同時帶兩個小朋友外遊的嘉欣坦言：「Aimee我要打畀你（請教），我細仔得九個月咋，要埋身抱住，一定要有人幫手，而且返到香港要工作，要有人睇住小朋友。」

同場的余德丞表示早前遠赴日本一杳無人煙小島拍攝節目，島上只得二千人生活，只有三輛的士，雖然拍攝短短三日，但遠離繁囂有另一種體會。余德丞透露在節目上會分享踢足球期間昏迷事件，走出鬼門關的他說：「拍時媽咪有去陪我，都好感觸，忍唔住喊，想睇返自己個樣，唔知會唔會好核突，睇宣傳片時都起晒雞皮，觀眾唔使懷疑造假，我係真情流露。」

另外，甄澤權表示婚後很多人邀請他出席投資活動，可惜他對這方面絕不勝任，收入交由太太掌管，他不會冒險投資。問到搵錢之道？他笑說：「喺台上就自己變，會努力，都想買磚頭，未來生小朋友係最大目標。」

------------------------------
新聞有價 你肯為《蘋果動新聞》付幾多錢?
https://hk.adai.ly/QDTT6y5mgX
--------------------------------
【記住63836568】全民爆相爆片！下一個爆料王就係你
https://bit.ly/2Guolu9