噚晚錢嘉樂同湯盈盈註咗冊，但之後就各有各玩。女嘅去咗深灣遊艇會同班姊妹聚一聚，男嘅就同金剛、曾志偉佢哋去咗香港仔某酒店。

雖然班仔/佬之前成日俾人影到夜蒲劈酒媾女亂咁嚟，之不過噚晚佢哋都好乖，真係食餐飯，相都影埋。

張餐枱咁長，坐滿一班兄弟、獎門人同錢家班手足(包埋錢國偉)，排名不分先後﹕曾志偉、陳小春、Gary、洪天明、金剛、鄭伊健、王祖藍、謝天華、林曉峰同阮兆祥等等等等冇出鏡嘅兄弟。錢嘉樂喺微博話﹕「多謝一眾兄弟和獎門人和錢家班手足給我一個盡興的晚上﹗」

樂樂盈盈聽日就喺洲際擺50圍大宴親朋，今晚你哋唔好玩咁夜喇，聽日有排俾人玩呀﹗