秋風起，三蛇肥，但估唔到今次條蛇，唔係出現恒生24樓博愛堂廚房，準備泡製太史五蛇羹，而係「蛇」咗去滙豐總行18樓交易室。

華華據聞，今早喺獅子行炒房樓層，竟然發現青蛇一條，呈蜷曲打蛇餅狀，伏係滙豐紅地顫上，雖然未有吐舌，但震驚程度足夠嚇親上班一族。現時亦未清楚條青蛇係有人飼養走甩咗，定入侵滙豐大樓，總之行方已經搵專人處理咗。

滙豐發言人同華華講話，今早發現咗一條蛇誤闖總行辦公室，為咗保障員工安全，行方已立即捕捉呢條蛇， 將佢移離總行，事件冇影響正常運作同埋員工安全，行方亦喺大廈進行徹底檢查。據了解，條蛇現在已送往嘉道理農場動物拯救中心。

滙豐一對銅獅，上周開箱重光，今日炒房出現青蛇，唔知有乜兆象解讀？

-----------------------------

掌握理財智慧 感受生活品味

investMAN全新網頁 優雅登場

-----------------------------

【全球樓行】 Dream House零距離

屬於香港人的移民攻略

-----------------------------

上車必讀天書 「九成按」入市懶人包

點擊即睇《按揭必讀手冊》電子書

----------------------------

支持蘋果深度報道，深入社區，踢爆權貴，即Like蘋果專題及調查組FB專頁！