荷李活大隻型男基斯伊雲斯（ChrisEvans）啱啱拍完《美國隊長3》（CaptainAmerica:CivilWar），電影安排下年喺各地上映，留咗滿面鬚嘅佢，近日就再去內地吸金，為代言嘅品牌FILA出席活動，所到之處都被包圍。

「美國隊長」基斯出名親民，今次到上海一口氣出席見面會、剪綵活動及外灘派對，先喺商場搞嘅見面會上，基斯同強國fans打成一片，佢仲即場攬攬粉絲，見呢位紮孖辮嘅女子都用雙手箍實偶像，而且一臉陶醉，要主持嗌先至肯鬆開手，睇到旁邊嘅人哇聲四起。到夜晚，基斯又到外灘邊睇夜景邊參加品牌派對。