方嘉柏接手原蘇廐馬，貫徹個人風格，一概打快攻，務求第一時間建功鞏固軍心。季內暫有兩匹駒同類分子跑過，結果在轉倉首戰「十二門徒」勝出，而「勝利大將」亦入Q，而且都係由潘頓經手。周六輪到第六場「勝利星將」接力登場，鞍上人亦係潘頓，部署可謂貫徹始終，勢必全力出擊。而「勝利星將」本身累積三戰田草千六雖未贏過，但取得兩亞一季百分百入位，性能有保證，有力取得來港後首場勝仗。